Уругвайлик ҳужумчи Луис Суареснинг "Ливерпуль" билан имзолаган янги шартномасида унинг муддатидан аввал бекор қилиниши қанчага тушиши махсус қайд этилмаган, дея хабар бермоқда Marca. Хабарингиз бўлса, аввалроқ 2018 йилгача мўлжалланган шартномани яқин 4 йил ичида бекор қилиш 120 миллион фунт туриши хабар қилинган эди.
Газетанинг футболчига яқин ўз манбаларига таяниб хабар қилишича, Суаресни харид қилишни истаган клуб ҳар бир масалада "Ливерпуль" билан келишиши, жумладан камида 90 миллион евро тўлаши керак бўлади.
Эслатиб ўтамиз, айни пайтда "Ливерпуль" Суаресни сотиб олиш борасидаги ҳеч қандай таклифни кўриб чиқмаслигини ҳам билдирган.
Мавсумда Суарес 15 ўйинда 20та гол уриб, 8та голли пасни амалга оширган.
