«Эвертон» ярим ҳимоячиси Роус Баркли бугун бўлиб ўтган «Норвич»га қарши ўйинда майдонга тушмади. Бу ҳақдаги саволга жавоб берар экан Роберто Мартинес футболчининг оёғи синган бўлиши мумкинлигини таъкидлади.
«Агар у ўйинга тайёр бўлганида майдонга тушарди. Роус ёш футболчи, шунинг учун унга дам бериш керак. Жароҳат биз кутгандан жиддийроқ бўлиши ҳам мумкин. Тиббий кўрик натижаларини бир неча кундан кейин билиб оламиз.
Биз иссиқроқ жойларда йиғин ўтказишни режалаштиряпмиз. Менимча, бу ҳам Роус учун фойдали»,- дейди мураббий.
Баркли англия кубоги доирасидаги «КПР»га қарши ўйинда жароҳат олган эди.
