Самарқанднинг Биринчи лигадаги жамоаси "Шердор" тайёргарликнинг биринчи босқичини якунлади.

5 январдан бошлаб навбатдаги мавсум учун тайёргарликни бошлаган "Шердор" аъзолари вилоят футбол федерацияси кубоги якуни билан биринчи босқич тайёргарликни якунлади. Биринчи босқич асосан ёшларни танлаб олиш ва жисмоний ҳолатни тиклаб олишга қаратилди. Элликдан зиёд маҳаллий ёшлар ичидан энг муносиблар сараланиб бормоқда.

Ҳозирга келиб жамоа мураббийлар штабига "Динамо" клубининг собиқ ҳимоячиси Учқун Қобилов ҳам келиб қўшилди ва Сайфулла Шарипов, Валерий Кострикин билан бирга иш олиб бормоқда. 

Жамоада Санжар Акрамов, Дилшод Турсунов, Ғолиб Сарибоев, Отабек Мелиев, Икром Исломов каби янги футболчилар машғулотлар олиб бормоқда. Навбатдаги мавсумда ҳам "Шердор" тўлиқ маҳаллий ёшлар билан майдонга тушишни мақсад қилган.

"Шердор"нинг ўтган йилги таркибидан қуйидаги футболчилар айни вақтда бошқа жамоаларда кўрикдан ўтмоқда.
Турғун Қобилов, Юнус Суюнов ("Сўғдиёна"), Бобир Насимов ("Андижон"), Искандар Холмирзаев ("Динамо")лар айни вақтда бошқа жамоалар кўригидадир.

Самарқанд вилоят футбол федерацияси кубогидаги муваффақиятли учрашувдан сўнг жамоа биринчи босқични якунлаб қисқа таътилга чиқди. Энди жамоа навбатдаги босқич тайёргарликини 1 февралдан бошлаб яна Самарқандда бошлайди. Ушбу босқичда ҳам ёшлар сараланиб Самарқанддаги "Ҳоким кубоги-2014"даги иштирок билан якунланади. Шундан сўнг жамоа ўзаги тўла шаклланиб тайёргарлик олиб борилади.