"Сент-Этьен" бош мураббийи Кристогф Галтье кеча жамоаси билан машғулот ўтказаётганда бошидан жароҳат олди, деб ёзади L’Equipe.
"Кўклар" устози кичик дарвозани кўтариб бораётганда унинг бошига тўп келиб теккан ва у ерга йиқилган. Шундан сўнг уч дақиқага қадар ўзига келаган мураббийни кўп ўтмай тез ёрдам машинаси олиб кетган.
Галтьега бош мия чайқалиши дея ташхис қўйишди. Унинг бошидаги ярасини тикишган. Шифокорларнинг айтишича, мураббийнинг ҳаётига ҳеч нарса хавф солмаяпти.