Испания кубоги ярим финалидан ўрин олган иккинчи учрашувда "Барселона" ўз майдонида "Реал Сосьедад"ни қабул қилди ва 2:0 ҳисобида ғалаба қозонди.

Биринчи бўлим сўнгида Бускетс бурчак тўпидан кейин ўзига келган тўпни дарвозага йўллай олди. Ундан олдин эса Мессининг зарбаси дарвоза тўсинига тегиб қайтган бўлса, "Реал Сосьедад" ҳужумчиси Карлос Вела дарвозабон билан бирга-бир вазиятда гол ура олмаганди. Бўлим сўнгида эса сосьедадлик ҳимоячининг майдондан четлатилиши меҳмонларнинг вазиятини янада оғирлаштирди.

Иккинчи бўлимда Фабрегаснинг тўп узатишидан кейин Алексис Санчес посбон билан яккама-якка вазиятга чиқиб борди ва дарвозани ишғол қилди. Якуний ҳисоб 2:0.

Жавоб ўйини 13 февраль куни бўлиб ўтади.

Эслатиб ўтамиз, Испания кубоги ярим финал босқичининг биринчи ўйинида "Реал" ўз майдонида "Атлетико" устидан 3:0 ҳисобида зафар қучди.

Испания кубоги, ярим финал, дастлабки ўйин
Барселона – Реал Сосьедад 2:0
Голлар: 1:0 – 44 Бускетс, 2:0 – 60, Санчес
Барселона – Хосе Пинто, Альба, Маскерано, Пике, Дани Алвес, Бускетс, Фабрегас (Тельо, 86), Педро, Хави, Санчес (Иньеста, 74), Месси.
Реал Сосьедад – Субикараи, Гастаньяга, Хосе Анхель, Ансотеги, Сальдуа, Гризманн (Сеферович, 83), Элустондо, М.Гонсалес (К.Мартинес, 20), Сурутуса, И.Мартинес, Вела (Каналес, 73).
Огоҳлантиришлар: Бускетс (26), Маскерано (36), Вела (39), Элустондо (58), Гастаньяга (62), Месси (73), Субикараи (86), Сальдуа (89).
Четлатиш: И.Мартинес (44).