Италиянинг Виарежжио шаҳрида ўтказилаётган халқаро мусобақасида иштирок этаётган "Пахтакор" гуруҳнинг учинчи баҳсида ғалаба қозонди, аммо ғалати тарзда плей-офф босқичига чиқа олмади.

Илҳом Мўминжонов шогирдлари Италиянинг "Специя" жамоасини 3:1 ҳисобида мағлуб этишди. Вакилларимиздан голларни Абдуллаев, Ҳакимов ва Болтабоев киритишди.

Ушбу ғалабадан кейин "Пахтакор" 8-гуруҳда 6 очко билан 2-ўринни эгаллади. Тўплар нисбати — 5-4. Аммо ташкилотчилар нимагадир "Пахтакор"ни эмас, "Эмполи"ни кейинги босқичга олиб чиқишди.

Регламентга кўра, 8та гуруҳда 2-ўринни эгаллаган жамоалар орасидан 4тасида плей-оффга чиқиши керак эди (Италиянинг "Фиорентина", "Ювентус", "Милан" ва "Интер" клублари эса мусобақага 2-босқичдан қўшилишиши муносабати билан гуруҳдан жами 12та жамоа плей-оффга чиқади). Шунда ҳам "В" гуруҳи деб номланган 5-8-гуруҳлардаги 2-ўринлилар орасида иккита жамоага чиқиш имконияти бериларди.

5-гуруҳда "Риека" 6 очко тўплаган ҳолда, тўплар нисбати 7-4 кўринишда бўлди ва кейинги босқичга чиқди. 7-гуруҳда 6 очко тўплаган "Эмполи"нинг тўплар фарқи 4-3 бўлди. "Пахтакор"ники эса 5-4... Очиғи, ташкилотчилар ниманинг эвазига "Эмполи"ни нимчорак финалга олиб чиқишгани тушунарсиз бўлди. Ахир тўплар фарқи тенг бўлиб (+1), вакилларимиз "Эмполи"га нисбатан битта гол кўпроқ уришганди.

Карнавал кубоги, Виарежжио, 8-гуруҳ
"Пахтакор" - "Специя" - 3:2
Голлар: Абдуллаев (20), Ҳакимов (70), Болтабоев (86) — Миоччи (73)

"Парма" - "Деспортиво" - 3:2