"Наполи" бош мураббийи Рафаэль Бенитес жамоасининг "Милан"га қарши учрашувидаги ғалабаси ҳақида шундай дейди:
"Бугун ҳам "Рома"га қарши ўйиндагидек ўйнашганлари учун шогирдларимни мақтаб қўйишим керак. "Милан"га қарши шижоат билан, яхши темпда ва сифатли ўйин кўрсатдик. Шубҳасиз, Игуаин ўйинда бизнинг устунлигимизни таъминлашда катта ҳисса қўшди, аммо унинг жамоадошлари ҳам унга ёрдам бериш билан бирга, кўплаб вазиятларни юзага келтирдилар. Биз яна ҳам кўпроқ гол уришимиз мумкин эди", - дейди Бенитес.
Эслатиб ўтамиз, кечаги ўйин неаполликларнинг 3:1 ҳисобидаги ғалабалари билан якунига етди. Меҳмонлардан Адел Таарабтанинг голига Гонсало Игуаин ўз дубли ва Гёкхан Инлер аниқ зарбаси билан жавоб қайтарди.