"Манчестер Сити" яримҳимоячиси Самир Насри жамоаси таркибида тўлақонли машғулотларга қўшилганини маълум қилди.
"Қайтганимдан хурсандман. Умумий гуруҳ билан машғулотлар ўтадим. Таркибга қайтишимни сабрсизлик билан кутаман. Қўллаб турганларинг учун катта раҳмат", - деб ёзади француз ўз инстаграмида.
Эслатиб ўтамиз, январнинг бошида Насри "Ньюкасл"га қарши ўйинда (2:0) оёғидан жароҳат олганди. Ўшанда унинг 8 ҳафтани ўтказиб юбориши айтилганди. Ҳозирга келиб, унинг ЕЧЛ нимчорак финали доирасида "Барселона"га қарши учрашувда жамоасига ёрдам бера олиши мумкинлиги аён бўлмоқда.













