Чемпионлар лигаси 1/8 финалидан ўрин олган «Галатасарой» ҳамда «Челси» жамоалари ўртасидаги ўйин якунланди ва унда 1:1 ҳисобидаги дуранг натижа қайд этилди.

«Челси»га гол уриш учун кўп вақт керак бўлмади. Эден Азар майдон марказида тўпни эгаллаб олди ва жарима майдони яқинига келиб тўпни Аспиликуетага ташлаб берди. Аспи эса битта ҳимоячини алдаб ўтиб, тўпни дарвоза яқинидаги Торресга узатди. Элниньо ҳимоячи ва дарвозабонга ҳеч қандай имконият қолдирмади ва ҳисобни очди. Биринчи бўлимда асосан майдон эгалари тўпни назорат қилишди, лекин инглизларнинг ҳужумлари хавфлироқ бўлди. Жамоалар 1:0 ҳисоби билан танаффусга чиқишди.

Иккинчи бўлимни «Галатасарой» анча фаол бошлади. Вазиятлардан бирида Снейдер тўпни бурчакдан ўйинга киритди ва ҳимоячилар нигоҳидан четда қолган Шеджу ҳисобни тенгаштирди. Жамоалар ўйин охирида нимагадир гол уриш учун курашишмади. Балки натижа улар учун қулайдир. Нима бўлганда ҳам ўйинда дуранг натижа қайд этилди.

Галатасарoй – Челси 1:1
Голлар: Торрес (9), Шеджу (65).
Галатасарoй: Муслера, Эбуэ, Шеджу, Балта (Кайя, 46), Алекс Теллес, Мело, Инан, Хайрович (Куртулуш, 31), Снейдер, Б. Йылмаз, Дрогба (Булут, 80).
Челси: Чех, Иванович, Терри, Кэйхилл, Аспиликуэта, Рамирес, Лэмпард, Виллиан, Э. Азар (Оскар, 90), Торрес (Это′О, 68), Шюррле (Оби Микел, 66).
Огоҳлантиришлар: Терри (42), Шюррле (57), Инан (57), Рамирес (58), Чех (61).