Испания терма жамоаси бош мураббийи Висенте дел Боске «Барселона» сардори Карлес Пуйолнинг жаҳон чемпионатидан бутунлай умидни узмаслиги керак эканини таъкидлади.
«Биз ҳеч қайси футболчини жаҳон чемпионатига бора олмайди деб айтолмаймиз. Кимдир мусобақадан олдин доимий яхши ўйин кўрсатса, унга ишонч билдирамиз. Пуйол ҳақида ҳам шундай дейиш мумкин. Жаҳон чемпионатига бориш унинг ўзига боғлиқ. У жамоа учун керакли футболчи»,- дейди мураббий.