Италия терма жамоаси бош мураббийи Чезаре Пранделли Андрес Иньестанинг ўйинларига юқори баҳо берди. Хабарингиз бор, Италия бугун Испанияга қарши ўртоқлик ўйинида майдонга тушади.
«Иньеста, шубҳасиз, дунёнинг энг яхши футболчиси. Унда ҳамма нарса бор – маҳорат, майдонни кўриш, характер, аниқлик. Унинг ўйинларини кўриб, ҳеч қандай босимсиз ҳаракат қилаётганига ишонч ҳосил қиласиз.
Менимча, Диего Коста Испанияни фақатгина кучайтиради. Дел Боске каби мураббийлар жамоани кучайтиришни билишади. Кўпчилик Костанинг Испания ўйинига мослаша олмайди деб ўйламоқда, лекин мен бундай деб ўйламайман. Бу футболчининг ўйинлари менга жуда ёқади»,- дейди мураббий.
