2002/03 йилги мавсумда Сербиянинг «Партизан» клубида бош мураббий бўлиб ишлаган Германия терма жамоасининг афсонавий футоблчиси Лотар Маттеус жамоасининг келишилган ўйинларда қатнашганини тан олди.
Мураббийнинг таъкидлашича, жамоа «Рада»га қарши ўйинда 0:1 ҳисобида имкониятни бой берган ва шу тариқа ўз қарзини тўлаган.
«Ўйиндан кейин кийиниш хонасида дарвозабонлар мураббийи менга бир гапни айтди. Маълум бўлишича, ўйиндан икки соат олдин ставкалар қабул қилинмаган, чунки барча бу ўйиннинг келишилган эканини билган. Мен футболчилардан нималар бўлаётганини сўрамоқчи эдим, қарасам, ҳеч ким йўқ.
Маълум бўлишича, жамоа 2 йил олдин чемпион бўлиши учун айна ўша «Рада»ни мағлуб этиши керак бўлган ва улар ютқазиб беришган. Энди эса улар лигада жон сақлаб қолишлари учун «Партизан»ни мағлуб этишлари керак бўлган. Мен бу ҳолатдан шокка тушдим»,- дейди Маттеус.
