«Футбол шарҳи» меҳмони бўлиб турган Ислом Аҳмедов Ўзбекистон футбол федерациясининг халқ ташкилоти эканини таъкидлади.
«Мен барчага мурожаат қилмоқчиман, айниқса ОАВга. Журналистлар, ЎФФ – халқ ташкилоти. У мухлисларнинг фикрини инобатга олади.
Миллий чемпионат ҳақида гапирадиган бўлсам, биринчи турдаги ўйинларни кўрмадим. Имконият бўлмади, лекин мавсумга тайёргарлик жараёни интернет орқали кузатиб бордим. Барча жамоалар жуда яхши тайёрланишди.
«Бунёдкор»нинг Осиё чемпионлар лигасидаги иштироки ҳақида гапирадиган бўлсам, жамоанинг охирги мағлубиятига чемпионат ўйинларининг энди бошлангани ва ички чемпионатда жамоага рақобатчиларнинг халқаро майдондаги жамоалардан кучсиз экани сабаб бўлди. Жамоа «Қизилқум»ни қийинчилик билан мағлуб этди, лекин бу «Қизилқум»нинг кучли эканидан эмас»,- дейди Аҳмедов.
