"Челси" бош мураббийи Жозе Моуриньо Англия чемпионати 31-турида "Арсенал"га қарши кечган ўйин (6:0) ҳақида фикр билдирди.

"Ўйин еттинчи дақиқадаёқ, иккинчи голни киритганимизда тугаб бўлган эди. Биз жуда кучли эдик. Кейин пенальти ва қизил карточка бўлди, аммо ўйинни ҳал қилиб бўлган эдик.

 Жарима майдончаси ичида футболчилар кўп эди, биз ўйинчиларан бири дарвозабон каби отилганини ва тўп қўлга текканини кўрдик. Заҳира ўриндиғидан унинг ким эканлигини илғамадик. Бу пенальти ва қизил карточкага лойиқ иш эди.

Афсуски, ҳакам бошқа футболчини четлатди, қанот ҳаками ҳам аниқлай олмади.

Бу ўйин "Арсенал" учун жуда муҳим эди, биз учун эса шунчаки муҳим эди", -дейди Моуриньо.