Сайёрамизнинг биринчи ракеткаси Рафаэль Надаль Майамидаги “Мастерс” турнирининг учинчи даврасидаги ҳамюртимиз Денис Истомин устидан қозонилган ғалабаси ҳақида ўз фикрини билдирди.
“Бугун аниқ мақсад ва стратегия остида ўйин ўтказдим. Хатоларга йўл қўймадим. Биринчи тўп узатишларим ҳам кучли ва аниқ чиқди. Кейин ҳаводан келаётган тўпларни ерга туширмасдан қайтардим. Бу ҳам бугунги муваффақиятимга замин яратди. Энг муҳими, аввалги турнирларга нисбатан Майамида яхшироқ ўйин намойиш этяпман”, - дея бугунги ўйинга изоҳ берган испаниялик теннисчи.
Эслатиб ўтамиз, Рафаэль Надаль бугун учинчи даврада Денис Истоминни 6:1, 6:0 ҳисобида таслим этганди. Испаниялик теннисчи тўртинчи босқичда италиялик Фабио Фоньинига қарши кортга чиқади.
