"Милан" бош мураббийи Кларенс Зеедорф "Кьево" билан учрашувдаги 3:0 ҳисобидаги ғалабадан сўнг фикрлари билан ўртоқлашди.
"Кака керакли пайтда ўзини кўрсатганидан жуда хурсандман. Бу инсон машғулотларда жуда яхши ишламоқда ва мен унга ишонмоқдаман. Келгуси мавсумга келсак, жамоада қолишни Каканинг ўзи ҳал қилади. Мен унга ишонишда давом этаман.
Ушбу учрашувда, яна катта ҳажмдаги ишни бажарган Ҳондани ҳам таъкидлашни истардим. У ўйин боришини ўзгартиришга қодир ўйинчи. Унда ажойиб имконият бўлган эди - гол ура олмаганидан афсусдаман.
Мақсадимиз эса ўша-ўша - Еврокубокларда қатнашиш бўлиб қолмоқда", - дейди Зеедорф.
