«Атлетико» бош мураббийи Диего Симеоне чемпионлар лигаси 1/4 финалидан ўрин олган «Барселона»га қарши ўйиндан олдидан ўз фикрларини билдирди.
«Биз бу ўйинда фаворитмиз десам, қўполлик бўлади. Шуни айтишим мумкинки, биз курашамиз. Эртага катта ўйин бўлади ва бу биз учун жуда муҳим.
Менимча, «Барселона» биз билан ҳам «Реал»га қарши ўйиндаги каби кучли ўйин кўрсатади. Кўпчилик «Барселона»нинг Мартино қўл остида ҳеч нарса юта олмаслигини айтишмоқда, лекин мен бундай деб ўйламайман. Улар ўзлари қатнашаётган барча мусобақаларда курашни давом эттиришмоқда. «Барселона» «Реал»га қарши жуда яхши ўйин кўрсатди ва улар катта ўйинларга одатланишган»,- дейди мураббий.
