"Атлетико" бош мураббийи Диего Симеоне Испания чемпионати 32-турида "Вильярреал" устидан қозонилган  ғалабадан (1:0) сўнг фикрлари билан ўртоқлашди.

"Бу жуда керакли ғалаба эди. Мухлисларимизга қўллаб-қувватлаганликлари учун катта раҳмат. Мухлислар ўзларининг қанчалик роль ўйнашларини яхши биладилар. Улар қичқириқлари билан атрофни ларзага келтиришди. Кўпчилик "Атлетико"нинг нега бу ўринда бораётганини сўрашади. Ҳаммасига сидқидилдан ишлаш, сабр ва курашиш орқали эришяпмиз.

Ҳозир ҳаммаси ўз қўлимизда. Биз чарчадик, аммо чарчоқни енгишга кучимиз етади. Энди чорганба кунги "Барса" билан ўйинга тайёргарлик кўряпмиз. Ундан кейин, якшанбада "Ҳетафе"га қарши майдонга тушамиз", - дейди Симеоне.

Эслатиб ўтамиз, "Атлетико" ҳозирда "Барселона"ни бир очко ортда қолдирган ҳолда жадвални бошқариб бормоқда.