«Бавария» бош мураббийи Хосеп Гвардиола чемпионлар лигаси 1/4 финалидан ўрин олган «МЮ»га қарши ўйин олдидан ўз фикрларини билдирди.

«Биз ўз уйимизда ўйнаймиз ва бу бизнинг энг катта устунлигимиз бўлади. Инглиз жамоаларига қарши ўйнаш доим қийин бўлган. «МЮ» жиддий қаршилик кўрсатиши аниқ.

Менимча, «МЮ» ҳимоявий ўйин кўрсатади. Улар қарши ҳужумдан умид қилишади. Таъкидлаш жоизки, бу ишни улар жуда ва жуда яхши амаллашади.

Биз пенальтирлар сериясига тайёрланмадик. Бу техникадан кўра руҳиятга боғлиқ нарса ва унга доим тайёр бўлиш керак. Таркибда кўп ўзгариш кутманг. Бизда асосий таркибнинг 14 футболчиси бор.

Ғалаба қозонсак, кейинги босқичга чиқамиз, мағлуб бўлсак, йўқ. Бу жуда оддий масала»,- дейди мураббий.