Европа чемпионлар лигаси 1/4 финалидан ўрин олган «Боруссия Д» ҳамда «Реал» жамоалари ўртасидаги ўйин тугади. Юрген Клопп шогирдлари 2:0 ҳисобида ғалаба қозонишди, лекин Мадриддаги 3:0 «Реал»га ярим финал эшиклаарини очди. Аввалига Марко Ройс ҳимоячилар хатосидан фойдаланиб ҳисобни очди. Унгача Анхел Ди Мария пенальтидан аниқ фойдалана олмади. Биринчи бўлим якунида эса мадридлик ҳимоячилар яна хатога йўл қўйишди. Бу гал ҳам Ройс уларга лаббай деб жавоб берди ҳамда фарқни иккитага оширди. Иккинчи бўлимда ҳам немислар кўп ҳужум қилишди, лекин бундан ортиғига уларнинг кучи етмади.

Боруссия Д (Германия) – Реал Мадрид (Испания) 2:0
Голлар: 1:0 – 24 Ройс, 2:0 – 37 Ройс.
Боруссия Д: Вайденфеллер, Пишчек (Обамеянг, 81), М. Фридрих, Хуммельс, Дурм, Йойич, Кирх, Гросскройтц, Мхитарян, Ройс, Левандовски.
Реал Мадрид: Касильяс, Карвахаль, Пепе, Рамос, Коэнтрау, Ильярраменди (Иско, 46), Модрич, Ди Мария (Каземиро, 73), Алонсо, Бэйл, Бензема (Варан, 90).
Огоҳлантиришлар: Рамос (27), Алонсо (31), Карвахаль (68), Ройс (75), Обамеянг (82), Каземиро (83), Бензема (90).
Биринчи ўйин: 0:3