Ўзбекистон чемпионати 5-туридан ўрин олган «Бнёдкор» ҳамда «Локомотив» жамоалари ўртасидаги ўйиндан кейин ҳар икки жамоа мураббийлари ўртасида матбуот анжумани бўлиб ўтди. Матбуот анжуманининг биринчи қисмида Вадим Абрамов қатнашди.

– Кожакарь нимага захирадан тушди. Унинг жароҳати борми?
– Йўқ, ҳаммаси жойида.

– Натижадан қониқдингизми?
– Ўйин охирида гол уриб натижага эришиш ёмон эмас деб ўйлайман. Агар биринчи гол урганимизда аламли бўларди.

– Футболчилар иккинчи бўлимда асабийлашишди. Айниқса, Жасур Ҳасанов. Бу нима билан боғлиқ?
– Футбол — эркаклар ўйини. Бу футболда бўладиган ҳолат. Менимча, Жасур билан бўлган ҳолатда «Бунёдкор» футболчилари айёрлик қилишди. Биз бундай ҳолатларни жуда яхши биламиз. Мен буни нормал ҳолат деб биламиз.

– Ўйиндан олдин Кожакарь ПФЛ қайдномасида 87-рақамда ўтган, лекин бугунги ўйинда 14-рақамда ўйнади.
– Унинг битта 14-рақамли формаси бор.

– Кучсизланган «Бунёдкор»ни нимага енга олмадингиз?
– Бугун «Бунёдкор»нинг кучсиз бўлгани учун ҳам дуранг ўйнадик. Агар жамоа сиз ўйлаганчалик кучсизланганида биз мағлуб бўлардик. Бу ҳазил албатта. Нималар деяпсиз, қанақасига «Бунёдкор» кучсизланган. Кучсиз жамоа бунақа ўйин кўрсатмайди.