Осиё чемпионлар лигасининг Шарқ минтақасидан ўрин олган "G" ва "Н" гуруҳларида 5-тур ўйинлари бўлиб ўтди.
Эътиборли томони, "G" гуруҳида сўнгги тур олдидан 4та жамоа ҳисобида 7тадан очко бор. Фақатгина тўплар нисбатига кўра, улар ўринларни тақсимлаб туришибди. ОЧЛнинг амалдаги ғолиби "Гуанжоу Эвергранд" Австралияда "Мельбурн"га имкониятни бой берган бўлса, Жанубия Кореянинг "Чонбук" клуби сафарда Япониянинг "Йокогама"сидан мағлубиятга учради. Бироқ, Хитой ва Корея жамоалари сўнгги турни ўз майдонларида ўтказишади.
"H" гуруҳида ҳам Хитой ва Жанубия Корея жамоалари мағлубият аламини тортишди. "Гуйжоу Ренье" ўз майдонида "Кавасаки Фронтале"дан 0:1 ҳисобида мағлуб бўлди. "Ульсан Хёндэ" эса ўз майдонида Австралия клуби — "Вестерн Сидней Вондерерс"га ютқазди. Натижада хитойликлар плей-оффга чиқиш имкониятидан маҳрум бўлдилар.
ОЧЛ, 5-тур ўйинлари
"G" гуруҳи
"МЕЛЬБУРН ВИКТОРИ" (Австралия) - "ГУАНЖОУ ЭВЕРГРАНД" (Хитой) - 2:0
"ЙОКОГАМА МАРИНОС" (Япония) - "ЧОНБУК МОТОРС" (Жанубий Корея) - 2:1
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Гуангчжоу | 5 | 2 | 1 | 2 | 8-7 | 7 |
| 2 | Чжонбук Х.М. | 5 | 2 | 1 | 2 | 8-7 | 7 |
| 3 | Мельбурн Виктори | 5 | 2 | 1 | 2 | 9-9 | 7 |
| 4 | Йокогама Маринерс | 5 | 2 | 1 | 2 | 6-8 | 7 |
"Н" гуруҳи
"УЛЬСАН ХЁНДЭ" (Жанубий Корея) - "ВЕСТЕРН СИДНЕЙ ВОНДЕРЕРС" (Австралия) - 0:2
"ГУЙЖОУ РЕНЬЕ" (Хитой) - "КАВАСАКИ ФРОНТАЛЕ" (Япония) - 0:1
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Вестерн Сидней | 5 | 3 | 0 | 2 | 6-5 | 9 |
| 2 | Кавасаки Фронтале | 5 | 3 | 0 | 2 | 4-4 | 9 |
| 3 | Ульсан Хёндэ | 5 | 2 | 1 | 2 | 7-7 | 7 |
| 4 | Гуйжоу Ренье | 5 | 1 | 1 | 3 | 4-5 | 4 |
Ғарб минтақасидаги "С" ва "D" гуруҳларда 5-тур ўйинлари энди бошланади.
