"Барселона" бош мураббийи Херардо Мартино Испания кубоги финалида "Реал"га қарши ўйин олдидан фикрлари билан ўртоқлашди.

"Финал учрашувида қатнашиш оддий ҳолат эмас. "Реал" билан учрашувнинг муҳимлигини ёддан чиқармаяпман.

Агар финалда ғолиб чиқсак, буни бошқа мусобақалардаги омадсизликларнинг ўрнига тўлов деб ҳисобламайман. Аввалги омадсизликлар ҳали ҳам юрагимизни тирнамоқда. Шунинг учун  кубок финалидаги ғалаба ўзига хос тотли бўлади.

Менинг истеъфоим? Бу мени ташвишга солмайди, албатта, бу гаплар моҳиятга тўғри келма ҳам. Ўтган йили ҳам янги йил байрамигача ишдан кетишим ҳақида гапирган эдилар, яқинда пасха, кўряпсизларми, мен ҳали ҳам "Ноу Кампдаман.

Шу билан бирга менинг "Барселона"даги фаолиятим ҳақидаги фикрлар "Реал" билан ўйин натижасидан қатъий назар салбий бўлиб қолишини сезиб турибман. Бу клубда меҳнатинг учун тўланадиган баҳодир", - дейди Мартино.

Эслатиб ўтамиз, «Барселона» – «Реал» учрашуви бугун Валенсия шаҳрида бўлиб ўтади, бошланиш вақти - Тошкент вақти билан 00.30да.