"Бенфика" бош мураббийи Жорже Жезус Европа лигаси яримфиналида "Ювентус"га қарши биринчи учрашув (2:1) ҳақида фикр билдирди.

"Биз ҳақли ғалабага эришдик. Йирикроқ ҳисобга эришишимиз мумкин эди, аммо ҳакам Энцо Пересега пенальти бермади.

Ғалаба муҳим эди, аммо 2:1 дан кўра 2:0 га ютганимизда яхшироқ бўларди. Якуний натижа аниқ эмас, аммо бизнинг имкониятимиз ошди, чунки ғалаба қозондик.

Ҳимояда идеал ўйин кўрсатиш кераклигини билар эдик ва бунга яқин келдик. Фақат Тевеснинг голида қийинчиликка дуч келдик. У ажойиб индивидуал маҳорат кўрсатди.

Бу икки кучли жамоа ўртасида ажойиб ўйин бўлди, "Ювентус" Европа лигасида биринчи мағлубиятга учради. Иккала жамоа ҳам нималарга қодирлигини кўрсатди, бу ўйин Чемпионлар лигаси савиясидаги ўйин бўлди", - дейди Жезуш.