Англия Премьер-лигасида ЕЧЛ йўлланмаси учун кураш олиб бораётган "Эвертон" кутилмаганда "Саутгемптон"га ютқазиб қўйди.

Ўйиннинг илк дақиқасидаёқ мезбонлар Алькараснинг автоголи эвазига ҳисобда олдинга чиқиб олишди. 31-дақиқа келиб эса "Эвертон"нинг яна бир футболчиси — Коулмэн ўз дарвозасини ишғол қилиб қўйди.

Мазкур голлардан кейин "Эвертон" вазиятни ўнглаш учун ҳаракат қилди, аммо "Саутгемптон" жуда яхши ҳимояланиб, ғалабани сақлаб қолди.

Натижада "Арсенал" ва "Эвертон" жамоалари ўртасидаги 1 очколик фарқ сақланиб қолди. Венгер шогирдлари ушбу турда "Ньюкасл"ни мағлуб этишса, чемпионат тугашига 2 тур қолганида деярли ЕЧЛ йўлланмасини ҳал қилиб қўйишади.

Англия Премьер-лигаси, 36-тур
Саутгемптон – Эвертон 2:0 (2:0)
Голлар: 1:0 – 1, автогол Алькарас, 2:0 – 31, автогол Коулмэн.
"Саутгемптон": Боруц, Клайн, Ловрен, Фонте, Шоу, Корк, Ваньяма, С. Дэвис (Гильерме, 90), Лаллана (Рид, 86), Галлахер (Уорд-Проуз, 76), Ламберт.
"Эвертон": Ховард, Коулмэн, Алькарас, Стоунз, Бейнс (Гарбатт, 90), Бэрри, Ж.Маккарти, Деулофеу (Макгиди, 58), Баркли (Осман, 46), Нейсмит, Лукаку.
Огоҳлантиришлар: Бэрри (45), Осман (62).