ОЧЛ плей-офф йўлланмасини қўлга киритган "Бунёдкор" Олий лиганинг 6-туридан доирасида Бухорода бўлиб ўтган баҳсда муҳим 2 очкодан маҳрум бўлди. "Бухоро" ушбу мавсумдаги илк ўйинини "Бухоро" ССМда ўтказди ва номдор рақибидан 1 очко олишга муваффақ бўлди.

Ўйинга яхши тайёргарлик кўрган Эдгар Гесс шогирдлари учрашув дебютини яхши ўтказишди ва 17-дақиқада ҳисобни очишди. Мезбонларнинг молдовалик футболчиси Виталий Пламадела бурчакдан етказилган дарвозага йўллади. Волков шогирдлари ҳисобни тенглаштиришлари учун атиги 1 дақиқа етарли бўлди. Пишур якка курашда ҳимоячидан устун келди ва Шодиевни қулай вазиятга чиқарди. Воҳид эса бирга-бир вазиятда ўзининг собиқ жамоаси дарвозасини ишғол қилди.

Орадан 2 дақиқа ўтиб Шодиев яна дарвозабон билан яккама-якк вазиятга чиқиб борди ва бу сафар Корнейчукни доғда қолдира олмади.

Иккинчи бўлимда ташаббус асосан "қалдирғочлар" томонида бўлди.  Бухороликлар эса қарши ҳужумдан фойдаланишга ҳаракат қилишди. Ўйиннинг охирги дақиқаларига қадар дарвозабонлар яхши ҳаракат қилишганини  таъкидлаш лозим.

Ўйин охирларида Хайрулла Каримов қисқа вақт ичида иккита сариқ карточка олди ва Равшан Эрматов уни майдондан четлатди. Дарвоқе, ушбу баҳсда ФИФА ҳаками жонли деворни ўрнатишда махсус кўпикдан фойдаланди.

"Бунёдкор" мавсумда учинчи дурангини қайд этган бўлса, "Бухоро" Ўзбекистон кубогидан чиқиб кетгани учун ўз мухлислари олдида айбини ювишга муваффақ бўлди.

Ушбу турда "Насаф" ва "Бунёдкор" очколардан маҳрум бўлишди. Бу эса ғалабалар сериясини давом эттираётган "Пахтакор"нинг фойдасига хизмат қилди.

Олий лига, 6-тур
"БУХОРО" - "БУНЁДКОР" - 1:1
Голлар: Виталий Пламадела (17)  — Воҳид Шодиев (18)
Огоҳлантиришлар: Ойбек Нурбоев (65), Суҳроб Неъматов (81) — Дилшод Жўраев (42), Саҳоб Жўраев (54), Хайрулла Каримов (82)
Четлатиш: Хайрулла Каримов (87, иккинчи огоҳлантириш)
"Бухоро": 12.Александр Корнейчук, 3.Шавкат Раимқулов, 4.Азиз Ғуломхўжаев, 5.Георгий Квесиешвили, 7.Суҳроб Неъматов (Жамолиддин Убайдуллаев 81), 8.Виталий Пламадела, 9.Предраг Вуйович, 10.Фирдавс Асадов (Андрей Акопянц 86), 14.Феруз Бобоқулов (Илья Ильин 63), 15.Равшан Асланов, 44.Ойбек Нурбоев
Захира: 99.Фаррух Турдиалиев, 22.Нодир Жўраев, 33.Умрилло Рамазонов, 88.Шукур Жумабоев
"Бунёдкор": 45.Акбар Тўраев, 2.Акмал Шораҳмедов, 4.Хайрулла Каримов (С), 5.Дилшод Жўраев, 6.Анвар Ғофуров, 8.Жавлон Иброҳимов (Сардор Собирхўжаев 66), 11.Олександр Пишур, 14.Воҳид Шодиев, 15.Ислом Иномов (Сардор Рашидов 46), 23.Саҳоб Жўраев, 33.Олег Зотеев (Алибобо Раҳматуллаев 76)
Захира: 1.Павел Бугало, 10.Анвар Бердиев, 24.Баҳодир Пардаев, 40.Сергей Симоненко
Бош ҳакам: Равшан Эрматов