Мадриднинг «Атлетико» клуби Тибо Куртуани жамоада олиб қолишига ишонмаяпти. Бу ҳақда talkSPORT хабар бермоқда.
Манбада айтилишича, жамоадагилар «Челси»нинг Куртуани қайтиб олишига шубҳа қилишмаяпти. «Атлетико» унинг ўрнига «Ньюкасл» дарвозабони Тим Крулни кўзламоқда. Хабарингиз бор, чемпионлар лигаси ярим финалидан ўрин олган «Челси»га қарши ўйинларда «Атлетико» Куртуанинг ўйнаши учун лондонликлар 6 миллион евро талаб қилишган, лекин УЕФА масалани текинга ҳал қилган эди. Шунинг учун «Челси» Куртуани ортиқ ижарага бермаслигини маълум қилди.
Айни вақтда Крулга «Милан» ҳам қизиқиш билдирмоқда.
