Аббос Омонов. Чемпионатимизнинг 6-тур ўйинларидан ўрин олган “Нефтчи” – “Машъал” учрашувидан сўнг Аббос Омонов билан боғланиб учрашув ҳақида фикрларини ва янги жамоаси ҳақида билишга ҳаракат қилдик.
- Аввало "Нефтчи"га қарши баҳс хусусида фикрларингиз билан ўртоқлашсангиз.
- "Нефтчи"га қарши учрашув қийин ўтишини аввалдан билардик. Шунга қараб тайёргарлик кўргандик. Учрашувнинг дастлабки 30 дақиқаси тенг курашлар остида ўтган бўлса, кейин секин-аста мезбонлар биздан кўра яхшироқ ҳаракат қилганини айтишим мумкин. Ўйинда ҳар икки жамоада қулай имкониятлар вужудга келди. Афсус биз ҳам, рақиб жамоа ҳам имкониятлардан фойдаланишга эриша олмадик.
- "Нефтчи" жамоаси бу йил янгиланган таркиб билан ҳаракат қилмоқда. Бу жамоа аввалгиларидан нимаси болан фарқ қилмоқда?
- Хақиқатдан "Нефтчи" жамоааи бу йил тубдан янгиланиб кетди. Жамоа яхши шаклланганлигини айтишим мумкин. Бу жамоага озгина вақт керак менимча. Кейинги турларда жамоа ўз ўйинини топиб олса, бемалол аввалги мавқейига қайтишига ишонишимиз мумкин.
- Аббос, бу йил сиз "Машъал"жамоаси таркибига янги келиб қўшолдингиз. Жамоага мослашиш қийин кечмаяптими?
- Ҳа тўғри бу йил жамоага яни келганлардан бириман. "Машъал" жамоаси яхши шаклланган жамоалардан бири эканлигига шубҳа йўқ. Жамоага мослашиш жараёни ҳали ҳам кетмоқда. "Машъал"га фойда келтиришга ҳаракат қиламан.
- Жамоа мураббийи Хомяковнинг машғулотлари ҳақида нима дея оласиз?
- Мураббийимиз билан тез тил топишиб кетишга муваффақ бўлдим десам адашмаган бўламан. Машғулотлар жуда қизиқарли ўтмоқда. Биз асосан техник ва тактик услублардан фойдаланиб машғулотлар ўтказаяпмиз.
- Энди кейинги турда сизларни жиддий синов кутиб турибди.
-Тўғри айтасиз, кейинги ўйин шанба куни "Олмалиқ"қа қарши бўлади. Биз бу ўйинга қарши тайёргарликни бошлаб юборганмиз. “Олмалиқ” яхши шаклланган жамоа. Уларни таркибида маҳоратли ўйинчилар талайгина. Бу ўйинда бизга осон бўлмаслигини сезиб турибман. Шунга яраша тайёргарлик кўриб, мухлисларимизни ҳурсанд этишга ҳаракат қиламиз. Мубораклик муҳлисларга ғалаба тортиқ этишга ният қилганмиз.
Комилжон Икромов суҳбатлашди.
