Италия ички ишлар вазири Анжелино Альфано мамлакат стадионлари оила ва болалар учун хавфсиз бўлиши кераклигини таъкидлади.
Охирги воқеа Римда "Наполи" ва "Фиорентина" клублар ўртасида финал ўйини олдидан бўлиб ўтган эди. Уч неаполлик ишқибоз ўқотар қуролдан жароҳатландилар ва майдонга тутун чиқарувчи петардалар улоқтирилгани учун ўйин 45 дақиқа кечроқ бошланди. Полиция отишмада гумон қилинган "Рома" ишқибозини қўлга олган.
"Бизнинг мақсадимиз - футболни қайтариш. Биз стадионларга оулавий бўлиб келишни қайтариб, бандитларни йўқотишимиз керак. Клублар бунга қарши курашишлари керак. Спорт тадбирлари урушга ўхшаб қолмоқда. Биз бош вазир Маттео Ренци билан учрашиб, янги мавсумда амалга ошириладиган ишларни муҳокама қиламиз", - ейди Альфано.
