«Боуруссия Д» директори Михаэль Цорк Туринга келди. Бу ҳақда Италия матбуоти хабар бермоқда.
Манбада айтилишича, директор «Торино» ҳужумчиси Чиро Иммобилени сотиб олиш учун келган. Таъкидлаш жоизки, футболчи айни вақтда «Торино»да ўйнамоқда, лекин унинг трансфер ҳуқуқи «Ювентус»га тегишли.
Жорий мавсумда А серияда 32та ўйинда майдонга тушган ҳужумчи 21та голга муаллифлик қилган. «Боруссия Д» ҳужумчи учун 25 миллион евро беришга тайёр.













