"Бавария" боқаруви раиси Карл-Хайнц Румменигге клубнинг Германия кубогидаги ғалабасидан сўнг фикрлари билан ўртоқлашди.
"Боруссия"га қарши кечган финал учрашувида ҳисоб очилмади ва қўшимча вақтда мюнхенликлар иккита гол киритишиб, кубок соҳибига айландилар.
"Албатта, биз жуда хурсандмиз. Бу ҳаяжонларга бой, тенг ўйин бўлди. Биз "олтин дубль"га эришганимиздан фахрланамаиз. Энди биз катта байрам қиламиз.
Мураббий бугун бизга ғалаба келтирган қарорлар чиқарди. Мен ҳар доим унинг даҳо мураббий эканлигини айтиб келганман. Унинг "Бавария"да ишлаётганидан бахтлимиз", - дейди Румменигге.
