«Барселона»нинг 37 фоиз ишқибози Sport.es порталида ўтказилган сўровнома вақтида клуб ҳужумчи Лионель Мессини сотиши керак, деган фикрни билдирди.
Кўк-аноррангларнинг мухлислари фикрича, ушбу мавсум бор-йўғи Испания Суперкубогини қўлга киритган жамоанинг жорий мавсумдаги муваффақиятсизликларига айнан аргентиналик ҳужумчи айбдор.
Ишқибозлар, бундан ташқари, дарвозабон Хосе Пинто (92 фоиз овоз), ҳимоячилар Дани Алвеш (81 фоиз) ва Хавьер Маскерано (53 фоиз), ярим ҳимоячи Алекс Сонг (59 фоиз) ва ҳужумчи Алексис Санчес (21 фоиз) ҳам жамоадан кетиши керак, деган фикрни билдиришди.
Месси 2013/2014 йилги мавсумда «Барселона» таркибида 46та расмий учрашувда майдонга тушиб, 41та гол уришга муваффақ бўлди. 16 май куни «Барселона» 26 ёшли ҳужумчи билан янги шартнома имзолаганини эълон қилди. Янги битим бўйича Мессининг йиллик маоши 20 миллион еврони ташкил этади.