Енгил атлетика бўйича Ўзбекистон ўсмирлар терма жамоаси шу йилнинг 16-28 август кунлари Нанкин шаҳри (Хитой)да ўтказиладиган II ёзги ўсмирлар Олимпиада ўйинларининг йўлланмалари ўйналадиган лицензион мусобақада иштирок этиш учун Бангкок шаҳри (Таиланд)га жўнаб кетди.

21-22 май кунлари бўлиб ўтадиган мазкур мусобақада Осиё давлатларининг вакиллари иштирок этадилар. Мазкур лицензион мусобақада Ватанимиз шарафини 13 нафар спортчимиз ҳимоя қилади.

Қуйида Бангкок шаҳрига йўл оладиган спортчиларимиз рўйхати берилган:

Оксана Молчанова – узунликка ва уч хатлаб сакраш
Гулрухсора Ҳошимова – босқон улоқтириш
Азиз Сейтажиев – баландликка сакраш
Шоҳрух Баратов – 110 метр масофага тўсиқлар оша югуриш
Жалолиддин Ҳамроқулов – 100 метр масофага югуриш
Фарҳод Суюнов – ядро улоқтириш
Сардор Тўрабоев – узунликка ва уч хатлаб сакраш
Александра Юркевская – баландликка сакраш
Ғолиб Тоҳиржонов – 800 метр масофага югуриш
Анна Шиманис – 100 метр масофага югуриш
Валерия Пак – 200 метр масофага югуриш
Виктория Дирдина – узунликка ва уч хатлаб сакраш
Камила Якубова – 400 метр масофага тўсиқлар оша югуриш

Ҳамюртларимизга бўлажак мусобақада омад ва зафарлар тилаб қоламиз.