"Кристал Пэлас" яримҳимочиси Томас Инс Миланга етиб келди ва унинг "Интер" билан шартнома имзолаш кутилмоқда.
Англия ёшлар терма жамоасининг 22 ёшли футболчиси Италияга отаси, Англия термаси ва "Интер" клубининг собиқ яримҳимоячиси Пол Инс билан бирга келган, дея хабар беради Sky Sports.
Манбада ёзилишича, томонлар келишувга эришишган ва яқин вақт ичида шартнома имзоланади.
"Мен Тохир билан ("Интер" президенти) кўп суҳбатда бўлдим, у кучли ва рақобатбардош клуб тузаётганини айтди. Мен шу клубнинг бир қисми бўлишни орзу қиламан.
Беш ёшимда "Сан-Сиро"даги муҳит блан яшаганман, чунки отам шу ерда ўйнаган. Менинг орзуим ушалишига яқин қолди", - дейди кичик Инс.
