Бразилия терма жамоаси бош мураббийи Луис Фелипе Сколари ЖЧ-2014 очилиш учрашувида Хорватия терма жамоасига қарши ўйиндан (3:1) сўнг фикрларини билдирди.
"Мен учун пенальти тўғри белгиланди. Мен бу эпизодни ўн марта кўрдим ва пенльти бор эди деб ҳисоблайман. Қарорни ҳакам чиқаради.
Биз эса хатоларимиз устида ишлашимиз, ўйинимизни яхшилашимиз ва янада ривожланишимиз керак. Футболчиларим фантастик ўйин кўрсатишди.
Неймар? Биз уни майдонга тушиб, бахтли бўлишини истаймиз. У ўзгача ўйинчи. У биз унга ёрдам беришни истаётганимизни ҳис қилиши керак. У шунчаки майдонга чиқиб, ватан учун ўйнаши керак", - дейди Сколари.
