"Нефтчи" - "Локомотив" (0:1) учрашувидан сўнг ташкил этилган матбуот анжуманининг биринчи қисмида меҳмонлар устози Вадим Абрамов қатнашди.

"Бугунги футбол мухлисларга ёқдими йўқми билмайман. Майдон сифати талаб даражасида эмас. Шу боис бугун чиройли ўйин кўрсатишни имкони йўқ эди. Асосан натижа учун ўйнадик. Бугун ғалаба қозондик. Натижадан қониқдим. Фақат натижа учун ўйнашга мажбур бўлдик. Фарғонада янги стадион қурилаётганидан хабарим бор. У ерда майдон ҳолати яхши бўлишига ишонаман.

"Нефтчи" жамоаси ҳақида фикрларим ижобий. Жамоа биринчи давра охирлариг келиб ўзини тиклаб олган - дейди Вадим Абрамов.