Ўзбекистон Кубоги чорак финал босқич жавоб учрашувлари доирасидаги "Насаф" - "Навбаҳор" учрашуви наманганликлар учун қийин кечиши олдиндан тахмин қилинганди. Зеро, сафарда "аждарлар" ғалаба билан қайтиб, ярим финал йўлланмаси учун ўз имкониятларини яхшилаб олишганди. Шу боисдан Қаршидаги ўйинда "лочинлар" икки тўп фарқи билан зафар қучишлари лозим эди.

Бироқ, Илҳом Шомуродов биринчи бўлимда ўз жамоасини ҳисобда олдинга олиб чиқиб "Навбаҳор"ни янада мушкул холатга солиб қўйди. Иккинчи бўлимда мезбонлар етакчиси Артур Геворкян фаоллиги эвазига Рўзиқул Бердиев шогирдлари Хуршид Хўжаев дарвозасига яна иккита тўп киритишга муваффақ бўлишди. 49- дақиқада Ҳамза Каримов ўз номига гол ёздириб қўйган бўлса, 63- дақиқада Мақсуд Каримов Хўжаев қўриқлаган дарвозани аниқ нишонга олди. Учрашув якунланишига 15 дақиқа қолганида захирадан майдонга тушган Шаҳбоз Эркинов ҳисобдаги фарқни бироз қисқартиришга эришди.

Ўзбекистон кубоги, чорак финал, жавоб ўйини
"Насаф" - "Навбаҳор" - 3:1 (1:0). 2350 томошабин.
Ҳакамлар: М. Исмаилов (Тошкент) – 8,7, А. Снетков (Тошкент вил.) – 8,6, Х. Мирзаахмедов (Тошкент вил.) – 8,8, Н. Қосимов (Қарши) - 9
Назоратчи: С. Эрматов (Тошкент).
“Насаф”: 30. Ўткир Юсупов, 4. Мақсуд Каримов, 7. Акрам Баҳриддинов, 9. Илҳом Шомуродов (41. Азамат Алланиязов, 64), 14.Лазиз Убайдуллаев, 16. Алишер Юсупов (28. Шуҳрат Муҳаммадиев, 46), 17. Артур Геворкян (38. Дониёр Нарзуллаев, 79), 20. Эркин Бойдуллаев, 23. Шерзод Аъзамов, 32. Ҳамза Каримов.
“Навбаҳор”: 46. Хуршид Хўжаев, 3. Ботир Тўрабоев (7. Мансур Саидов, 60), 4. Шукурали Пўлатов, 5. Раҳматулло Бердимуродов, 8. Азим Аҳмедов (27. Роббим Ҳасанов, 46), 11. Отабек Валижонов ( 22. Шаҳбоз Эркинов, 68), 18. Собир Ҳамидов, 21. Аъзам Алиев, 23. Абдумалик Абдуллаев, 25. Элёр Жаҳонов, 50. Юрий Рижко.
Голлар: И. Шомуродов (30), Ҳ. Каримов (49), М. Каримов (63) - Ш. Эркинов (74)
Биринчи ўйин - 1:0