Италия терма жамоаси бош мураббийи Чезаре Пранделли ЖЧ-2014 гуруҳ босқичининг ҳал қилувчи босқичида Уругвайга қарши кечган ўйиндан сўнг (0:1) фикрлари билан ўртоқлашди.
"Ўн киши бўлиб қолмаганимизда рақиб дарвозамизни ишғол қила олмасди. Бу абсурд четлатиш. Ўйин курашларга тўла бўлди, табиийки, футболчилар кўп қоида бузишди. Клаудио Маркизионинг фоли қизил карточкага муносиб эмасди.
Ўйиннинг ҳал қилувчи вазиятлари деб, Маркизионинг четлатилиши ва Суареснинг Кьеллинини тишлаб олиб, қизил карточкадан қутулиб қолиши бўлди. Ўйлайманки, биз ёмон ўйнамадик, охиригача курашдик. Ҳакам ўйинни булғади.
Мен истеъфога чиқишим ҳақида федерацияга хабар бердим", - дейди Пранделли.
