2010 йилнинг март ойида Аргентина терма жамоаси Мюнхенга ўртоқлик учрашувига ташриф буюради.

Ўйиндан сўнг матбуот анжуманида аргентиналиклар устози Марадона Томас Мюллерни болбой (тўпни келтирувчи бола) деб атаб, у билан бир столда ўтиришни истамайди. Унга Мюллерни Германия термаси футболчиси эканлигини тушунтира кетишди, аммо Марадона ўрнидан туриб, анжуманни тарк этди. Натижада Мюллер ҳам зални тарк этишига тўғри келди.

ЖЧ-2010 чорак финалида Германия ва Аргентина ўзаро дуч келади ва немислар 4:0 ҳисобида ғалаба қозонган ўйиннинг биринчи голини Мюллер киритади. Шундан сўнг ҳам Марадона Мюллердан узр сўрашни ўзига эп кўрмайди.

Тўрт йилдан сўнг Мюллернинг жаҳон чемпионатларида урган голлари Марадонаникидан ортиб кетди.