Мавсумнинг иккинчи қисмига Туркияда тайёргарлик кўраётган Тошкентнинг “Бунёдкор” жамоаси навбатдаги назорат учрашувини Озарбойжоннинг “Сумгаит” клубига қарши ўтказди.

Учрашув тенг курашлар остида ўтди. Бироқ 36-дақиқада “Сумгаит” ҳужумчиси Магамед Қурбонов томонидан киритилган гол ўйинда ягоналигини сақлаб қолди.

Ушбу учрашувда Сергей Лушан “қалдирғочлар”нинг бир неча аъзолари хизматидан фойдалана олмади. Жумладан дарвозабонлар – Акбар Тўраев ва Абдукарим Муҳаммедов, ҳимоячи – Жавлон Мирабдуллаев, ярим ҳимоячилар – Дилшод Жўраев, Сардор Собирхўжаев, Сардор Рашидов, ҳужумчи – Воҳид Шодиев маълум сабабларга кўра озарбайжонликларга қарши ўйинда иштирок эта олишмади.

Ўртоқлик учрашуви
“БУНЁДКОР” – “СУМГАИТ” 0:1 (0:1)
Гол: Магамед Қурбонов 36
“Бунёдкор”: 1.Павел Бугало, 4.Хайрулла Каримов, 6.Анвар Ғофуров, 2.Акмал Шораҳмедов, 40.Иван Милошевич, 9.Минори Сато, 14.Самир Бекрич, 19.Забихилло Ўринбоев, 28.Достонбек Ҳамдамов, 8.Жавлон Иброхимов, 11.Олександр Пишур
Захирадан майдонга тушганлар: 10.Анвар Бердиев, 33.Олег Зотеев, 15.Ислом Иномов, 3.Шукурали Пўлатов, 54.Темур Аюпов, 48.Акрамжон Комилов
“Сумгаит”: 1.Андрей Попович, 3.Вургун Гусейнов, 4.Агиль Набиев, 66.Руслан Поладов, 15.Нодир Мамедов, 8.Жайхун Жовадов, 10.Тарзин Жаҳонгиров, 77.Таваккал Мамедов, 17.Рамазон Аббосов, 22.Тофик Микаллелов, 14.Магамед Курбанов
Захирадан майдонга тушганлар: 63.Шохруддин Магамедалиев, 30.Тарлан Аҳмедали, 92.Вахтияр Гасаналидзе, 9.Орхан Алиев, 6.Тагим Наврўзов, 23.Шахриёр Ҳалилов, 2.Славик Алхасов
20 июль. Истанбул. “Green Park Kertepe” мажмуаси майдони