"Ливерпуль" устози Брендан Роджерс клубнинг янги футболчилари ҳақида фикр билдирди.

"Ламберт дарҳол машғулотга киришини хоҳлади, у ажойиб ўйинчи ва инсон. У 32 ёшда, шунинг учун асосий таркибда ҳам, заҳирада ҳам фойдали ўйинчи бўла олади.

Лалланага келсак, у - жуда иқтидорли футболчи. Маркович ҳам маҳоратда кам эмас, у  бирга бир вазиятда рақибни алдай оладиган футболчилар сарасига киради.

Умуман, менга янгилар ҳам, эскилар ҳам бирдай ёқмоқда. Биз яна бир-икки чизиқни мустаҳкамлашимиз керак. Тўлиқ таркибга эга бўлиш учун марказий ва чап қанот ҳимоячиси, ҳамда ҳужумчи керак. Шундагина ҳаммаси жойида бўлади, майдонда ҳам, ишда ҳам тўкис бўламиз", - дея Роджерснинг сўзларини келтиради клуб расмий сайти.