Мавсумнинг иккинчи қисмига Туркияда тайёргарлик кўраётган Тошкентнинг “Бунёдкор” жамоаси сўнггиназорат учрашувини яна Грузиянинг “Динамо” (Батуми)клубига қарши ўтказди. Яна дейишмизнинг боиси, ушбу жамоалар бир неча кун аввал ҳам куч синашишган ва унда грузияликлар 1:0 ҳисобида устун келишганди.
Шуни таъкидлаш лозим, 4 кун аввал “қалдирғочлар”нинг айримлари турли сабабларга кўра Тошкентга қайтишган. Абдукарим Муҳаммедов, Жавлон Мирабдуллаев, Сардор Собирхўжаев, Дилшод Жўраев, Алибобо Раҳматуллаев, Сардор Рашидовлар мамлакат терма жамоаси йиғинида иштирок этаётган бўлсалар, Акбар Тўраев ва Воҳид Шодиев кеча ЎзДЖТИ ижодий имтиҳонидан ўтишди.
Тенг курашлар остида ўтган ўйинда ҳисоб очилмади.
Ўртоқлик учрашуви
“БУНЁДКОР” – “ДИНАМО” 0:0.
“Бунёдкор”: 1.Павел Бугало, 2.Акмал Шораҳмедов, 3.Шукурали Пўлатов, 4.Хайрулла Каримов, 6.Анвар Ғофуров, 40.Иван Милошевич, 15.Ислом Иномов,48.Акрамжон Комилов, 8.Жавлон Иброхимов, 9.Минори Сато, 14.Самир Бекрич.
Захирадан майдонга тушганлар: 33.Олег Зотеев, 28.Достонбек Ҳамдамов, 19.Забихилло Ўринбоев, 54.Темур Аюпов, 11.Олександр Пишур.
23 июль. Истанбул. “Green Park Kertepe” мажмуаси майдони
