«Челси» бош мураббийи Жозе Моуриньо нима учун «Манчестер Юнайтед» билан бирга 19 ёшли ҳимоячи Люк Шоу учун курашмаганини тушунтириб берди.

«Агар биз Люк Шоунинг шартларига кўнганимизда, биз тамом бўлардик. Бу бизнинг барқарорлигимиз ва молиявий фэйр-плейимизга путур етказарди. Футболчилар ўртасидаги муносабатни бузиб қўярдик.

19 ёшли ўйинчига — у хоҳ яхши, хоҳ фантастик ўйинчи бўлсин — кўп пул тўласак, эртаси куни бошқа футболчи келади ва савол беради: "Мен жамоада 200та ўйинда майдонга тушганман, шунча совриинлар ютганмаган, сиз эса 19 ёшли янги футболчига менга нисбатан кўпроқ маош беряпсиз". Бу ҳолат бизнинг барқарорлигимизга путур етказади. Биз бунга йўл қўя олмаймиз.

Филипе Луис бизга анча арзонга тушди. Боз устига, у Бразилия терма жамосида ўйнаган, Испанияда совринлар ютган, Еврокубокни қўлга киритган, ЕЧЛ финалида ўйнаган. Шунга қарамай, биз уни арзон қўлга киритдик ва у бизнинг ўртача маошимизга рози бўлди.

Бошқа жамоалар футболчиларга кўп маош тўлагани учун уларни танқид қилмайман. Бу уларнинг хоҳиши. Лекин "Челси" учун бу муваффақиятсиз қарор бўлган бўларди», – дейди Моуриньо.

Эслатиб ўтамиз, Люк Шоу «Манчестер Юнайтед»да ҳафтасига 100 минг фунт маош олмоқда.