Олий лига 14-турида Бекободда кечган "Металлург"-"Олмалиқ" урашувидан сўнг (3:2) мезбонлар бош мураббийи Рустам Мирсодиқов фикрларини билдирди.
"Пойтахт вилояти жамоалари ўртасидаги бу галги ўйин ҳам осон кечмаслигини шогирдларимга ўйиндан олдин уқтирган эдим. Тезда икки тўп билан олдинга ўтиб олганлигимиз сал бўлмаса қимматга тушаёзди. Фақатгина катта меҳнат, тер тўкиш эвазига уч очколик бўлдик.
Мен умуман чемпионатда танаффусларни унчалик ёқтирмайман. Давралар оралиғи бўладими, ёки бошқа узрли сабаб билан танаффуслар юзага келадими, таътилдан футболчиларнинг ўйинларини топиб олишлари, киришиб кетишлари осон кечмайди. Бу сафар ҳам шундай бўлди. Гарчи ғалаба қозонган бўлсак-да, футболчилар ўзларининг оптимал формалари тиклаб олишлари учун вақт керак.
Яна 2-3 ўйин қийналишимиз аниқ. Бироқ жамоа ўз олдига қўйган вазифа – бекободлик ишқибозларни хурсанд этиш йўлида изланишни давом эттиради.
