Шуҳрат Мақсудов бош мураббийлигидаги Ўзбекистон U-22 терма жамоаси назорат ўйинида «Қўқон-1912» клубини йирик 4:0 ҳисобида мағлуб этди.
5 август куни Тошкентда йиғинга киришган Ўзбекистон U-22 ёшлар терма жамоаси бугун «ЖАР» стадионида «Қўқон-1912» клубига қарши назорат учрашувини ўтказди. Қизиқарли кечган учрашувда Шуҳрат Мақсудов шогирдлари йирик 4:0 ҳисобида ғалаба қозонишди.
Таъкидлаш лозим, терма жамоа бош мураббийи ҳар икки бўлимда икки хил таркибни майдонга туширган. Учрашув якунига етгач, терма жамоа аъзоларига дам берилади ва улар 8 август куни ўз клублари сафига бориб қўшиладилар.
ЎФФ Терма жамоалар маркази берган маълумотга кўра, Ўзбекистон U-22 терма жамоаси август ойи охирида хорижий йиғин ташкил этади ва бу йиғин бир нечта ўртоқлик учрашувларида майдонга тушиши режалаштирилган. Мазкур йиғин хақида кейинрок батафсил маълумот берилади.
Эслатиб ўтамиз, Ўзбекистон U-22 терма жамоаси келаси йилнинг март ойида ўтказилиши режалаштирилган U-22 Осиё Чемпионати саралаш баҳсларида иштирок этади.
Назорат учрашуви.
7 август, пайшанба. ЖАР стадиони.
Ўзбекистон U-22 - «Қўқон-1912» 4:0
Голлар: Сардор Раҳмонов (19 пенальти) , Абдулла Набиев (66), Никита Павленко (80), Жавоҳир Расулов (86).
