Аргентина терма жамоасининг ўтмишдаги юлдузларидан бири Хуан Рамон Рикельме ҳамюрти Лионель Мессини ҳамон дунёнинг энг кучли футболчиси деб ҳисоблайди.

"Биз Леонинг ўйинларидан завқ олишимиз керак. У билан ҳаммаси жойида ва у ҳамон энг кучли футболчидир. Айрим пайтларда у майдонда югурмаётган, шунчаки пиёда юраётгандек кўринади. Аммо, у кутилмаганда ортга қайтиб тўпни эгаллаши ва ҳужумни бошлаши мумкин", - дейди Рикельме.

"Ҳозирда Лео жаҳондаги барча футболчилардан устун ва биз шундай футболчининг борлигидан ҳурсандмиз. Қачонлардир энди ҳеч қачон Марадонадек футболчи энди чиқмайди дердик. Аммо, ҳозир Месси бор. У Марадонага жуда ўхшайди", дейди Рикельме.