"Насаф" - "Локомотив" учрашувидан кейинги матбуот анжуманининг иккинчи қисмида мезбонлар бош мураббийи Рўзиқул Бердиев иштирок этди.
"Локомотив" жамоаси бизни ҳақли равишда мағлуб этди. Мен бугунги ўйинда ҳимоячиларимизнинг ўйинини умуман тушунмадим. Ҳозирча фақат "Локомотив" жамоасини ғалаба билан табриклашим мумкин. Айни пайтда Вадим Абрамов жамоаси таркиб жиҳатидан ҳам, ўйин борасида ҳам анча мукаммал даражадаги жамоа. Чемпионатимиздаги энг кучли клуб бу сўзсиз "Локомотив" жамоаси.
-Бугунги мағлубиятдан сўнг "Насаф" чемпионлик пойгасидан чиқиб кетдиии?
- Агарда кейинги ўйинларда ҳам шундай ҳаракат қиладиган бўлсак, ҳа. "Локомотив"га қарши ўйин сўнгги икки йилдаги энг ёмон учрашувимиз бўлди.
-Элдор Суюновнинг жароҳати қанчалик жиддий?
-Ўйлайманки, Суюнов кейинги ўйинларда бизга ёрдам бера олади.
-Фарруҳ Сайфиев алмаштириб бўлмайдиган футболчилар сирасига кирадими?
-Бизда алмаштириб бўлмайдиган футболчининг ўзи йўқ. Фарруҳ Сайфиев сўнгги пайтларда анча ўсди. Таркибимизда кўплаб футболчилар йўқ. Шоҳруҳ Гадоев яқиндагина жароҳатидан қутилди. Ундан бошқа захирамизда қанотларда ўйнай оладиган ярим ҳимоячилар йўқ.
