"Бавария" клуби душанба куни "Рома" ва Марокаш термасининг ҳимоячиси Меҳди Бенатия билан шартнома имзолайди.
Аввалроқ "Челси" Бенатия учун "Рома"га 30 миллион евро таклиф қилгани хабар қилинган эди. Шунингдек, ушбу футболчига "Манчестер Юнайтед" ҳам қизиқиш билдирган.
Бенатия 2013 йилнинг ёзида "Уденизе"дан "Рома" сафига ўтган эди. Ўтган мавсумда Бенатиа римликлар сафида 33 учрашувда 5 гол урган. Марокаш термаси сафида ҳам 33 учрашув ўтказиб битта гол урган.