Россия чемпионатининг 5-турида "Краснодар" клуби "Торпедо" меҳмони бўлиб, йирик 3:0 ҳисобидаги ғалаба билан қайтди.

 Учрашувнинг биринчи бўлимида ҳисоб очилмаган бўлса, 60-дақиқада меҳмонлар ҳужумчиси Владимир Бистров 18 метрлардан дарвоза "тўққизлигини" аниқ нишонга олди. Уч дақиқадан сўнг краснодарликлар ҳсобни оширдилар. Биринчи тўп муаллифи Бистров иккинчи голга ҳаммуаллифлик қилди. У ошириб берган тўпни краснодарликларнинг бразилиялик легионери Вандерсон дарвозага жойлаб қўйди - 2:0.

Ҳамюртимиз Одил Аҳмедов ўйиннинг 71-дақиқасигача ҳаракт қилди, шундан сўнг унинг ўрнига Перейра тушди. Айнан Перейра қўшиб берилган вақтнинг учинчи дақиқасида ҳисобни йириклаштирди - 3:0.

Россия чемпионати, 5-тур
"Торпедо"-"Краснодар" 0:3
Голлар: Бистров (60), Вандерсон (63), Перейра (90+3)
ТОРПЕДО: Юрий Жевнов, Михаил Багаев, Дмитрий Айдов, Владимир Рыков, Иван Новосельцев, Лукас Тесак, Адам Кокошка, Далибор Стеванович, Семён Фомин, Игорь Шевченко, Александр Салугин.
КРАСНОДАР: Андрей Синицин, Виталий Калешин,Александр Мартынович, Артур Енджейчик, Рагнар Сигурдссон, Юрий Газинский, Руслан Аджинджал, Одил Ахмедов, Владимир Бистров, Рикардо Лаборде, Вандерсон.