"Ливерпуль" учун "Уайт Харт Лэйн" стадиони омадли ўйингоҳга айланиб бормоқда. Мерсисайдликлар ўтган мавсумда "шпорлар"ни 5:0 ҳисобида мағлуб этишганди. Бу галги ўйинда меҳмонлар рақиб дарвозасига 3та тўп йўллаган бўлсалар-да, ўйин мазмуни бўйича аввалгисидан қолишмади. "Ливерпуль" "Тоттенхэм"ни ҳар томонлама мағлуб этди.

Меҳмонлар тезкор гол уриб олишди ва ундан кейин баҳсни ҳисобга қараб олиб боришди. "Тоттенхэм" ушбу тактика ва ўйиннинг бундай боришига қарши ҳеч нарса қила олмади. Шунга қарамай, биринчи бўлимда мезбонларда гол уриш учун имкониятга эга бўлишди. Бироқ ҳимоячиларнинг хатоларини Миньоле бартараф этишга муваффақ бўлди.

Иккинчи бўлим бошида "Ливерпуль" пенаьтидан ҳисобдаг фарқни оширди. Меҳмонлар тез орада учинчи голни уриб олишди ва учрашувнинг қолган дақиқаларида ўйиннинг боришин назорат қилишди.

Брендан Рожерс "Ливерпуль" бошқарувидаги 100-ўйинда жамоа йирик ғалабага эришди. Бу мерсисайдликларнинг мавсумдаги иккинчи ғалабаси бўлди ва улар 5-ўринга кўтарилиб олишди.

Англия чемпионати, 3-тур
Тоттенхэм – Ливерпуль 0:3 (0:1)
Голлар: 0:1 – 8 Стерлинг, 0:2 – 49, пенальти Жеррард, 0:3 – 60 А.Морено.
Тоттенхэм – Льорис, Дайер, Кабуль, Вертонген, Роуз (Дэвис, 72), Капу, Бенталеб (Дембеле, 59), Ламела, Эриксен (Таунсенд, 59), Шадли, Адебайор.
Ливерпуль – Миньоле, Манкильо, Ловрен, М. Сако, А.Морено, Жеррард, Хендерсон, Аллен (Жан, 61), Стерлинг (Хосе Энрике, 86), Старриж, Балотелли (Маркович, 61).
Огоҳлантиришлар: Аллен (27), Манкильо (37), Стерлинг (74), А.Морено (90).